Island i norsk krigspolitikk 1940-1945
Description
Den andre verdenskrigen skapte mange tilknytinspunkt mellom Island og Norge. Som dei einaste to nordiske landa vart dei knytte til den store alliansen mot Hitler-Tyskland, om enn på ulik vis. Denne studien viser at Island også fekk ein særskild plass i krigspolitikken til den norske London-regjeringa: Norske militære styrkar frå alle forsvarsgreiner gjorde teneste på Island, blant dei den maritime flyskvadronen 330 (N) Squadron. Island var også eit viktig ledd i den norske regjerings “Atlanterhavspolitikk” som tok sikte på eit tryggingspolitisk samarbeid mellom landa kring Nord-Atlanteren etter krigen. Til gjengjeld vart den norske regjeringa ein klar støttespelar på Islands veg fram til fullt sjølvstende som republikk i 1944.